يا بسم الله

هوووووي أصحابي ... أنا اسمي احمد ممكن تنادوني بي بوتشر Butcher وده مش لأني جزار و الا سفاح دي كانت قصه قديمة كده . دي أول بوست ليه في المدونة دي الي أنا واخويا ( مش اخويا اخويا يعني ) مصعب عملناها عشان شوية حبشتكنانات كده عايزن ننشرها . أنا بشتغل في مجال الطشط ار HR في مجال ال Recruitment - محدش يبعت سي في هات !!!. المهم اخويا مصعب ( يييه اخويا تاني ) المهم مصعب ده حتت ويب ديفيلوبر سكره بيني وبكم هوه مفهوش الا دماغ – مش من المريخ يعني – اقصد دماغه جامده. مصعب ده ياخونه – اخونه تاني الكلمه دي معقده الحكومه نقول يا برذرس (Brothers)احساً- راجل مؤمن بالاوبن سورز Open Source المصادر المفتوحة مش مجرد لأنها أحيانا تبقى فري او لأنه حب يتميز عن الناس لا هوه مؤمن بالفكره كافلسفه قبل متعجبه من الجزء التكنيكال و من هنا انطلقت مسالة الحرية في دماغ مصعب و من هنا برضه قررنا ان احنا نعمل بلوج او مدونه تتكلم عن الحرية في التكنولوجيا وفي الفكر وفي الفن وفي أي حاجه تمت للعقل البشري بصلة، ده عشان ان إنسان مش حر مش هيملك عقله و ان ملك عقله مش هيملك فعله – الله عليك يابوحميد لما دماغك تعلى و تتفلسف !! .دي اول بوست باعرفكوا فيها على نفسي و على حبيبي ال Co-blogger الي معيا مصعبوف باشا البطرقاوي الكبيــــر ( جيه من بطريق الي هوه رمز لي النكس Linux ) نست اقلكو على حاجه ان انا برضه بطرقاوي بس لسه جديد شويه ولكن الفكره مؤمن بيها من زمان عشان كده من هنا هحاول انشر مصطلح ال Geek user الي هوه يعني المستخدم الهاوي اللي بيستخدم البرامج مفتوحة المصدر و عنده الجرؤه انه ينقل شغله عليها على العكس من المستخدم العادي اللي عايز يكون عبد عند مايكروسوفت. مثال: برذر مصعب مثلا هراني بالكلام عن مميزات لنكس التكنيكال و السيكيورتي بتاعه و الميموري مانجيميت Memory management و ال و ال و ال .....الخ بس انا راجل Geek user بحب اشوف البدائل اللي تساعدني في حياتي وشغلي فنزلت ديستروا Distro للنكس عظيمة على جهازي UBUNTU 7.04 الي مصعب بيـــه بيسمهيا للمبتدئين !!! يالله ما علينا اهي عشرة بلوج واحد برضه .

مفاجأة البوست : انتظروا تدوينه مصعب القادمه الي هتكسر الدنيا ههههههههه . لا مؤاخذه يا عم مصعب يا حبيبي ياسكره