creative commons

check this video about creative commons.

really interesting..

لينوكس والدعاية

أحد أكبر مشاكل لينوكس هي الدعاية ..
فيها نواحي قصور كتير..

بس الفترة اللي فاتت ابتدت تشهد تغيير نوعا ما.. وأتوقع قريب هنشوف طفرة في الناحية دي (يا رب)

بس ده ما يمنعش إني في حاجات محترفة نوعا ما ..
في كذا شركة بنت تجارتها على لينوكس
أشهرهم

Redhat
IBM
Novell

الأخيرة عملت كذا إعلان .. بس من وجهة نظري يفتقدون الإبداع والفكرة ويمكن كمان الرسالة .. هم كانو بيقلدوا سلسلة إعلانات I am a Mac
حتى في الموسيقى!
اللي حققت نجاح كبير وبأحيي عليها شركة apple تحية كبيرة لأني من أكتر الناس اللي استمتعت بيها

نشوف سوا حاجة منهم :







Redhat عملت زي ما نقول أكتر من إعلان صغير .. بس كان بيتكلم عن ثقافة الأوبن سورس بصفة عامة مش عن لينوكس بالتحديد

كمان تحس إنهم بيتكلموا عن النشأة وعن قيمية النموذج بتاع لينوكس وتحديات ماضية أكتر ما بيتكلموا عن فرص اللينوكس في السوق الحالي..

بيدافعوا أكتر ما بيدعوا
بيدافعوا عن النظام الأخلاقي والثقافي ورا لينوكس أكتر ما بيسوقوه
وبيدافعوا عن وجودهم (سواء بوعي أو من غير) أكتر ما بيفكروا في تحسين الوجود ده في المستقبل
نتفرج سوا على اتنين منهم سوا :

Truth Happens :




Choice :




IBM لسة شايف الإعلانات بتاعتها النهاردة بس عجبتني جدا الفكرة ..
لغة business أكتر منها حاجة تانية
وبيراهنوا على مستقبل لينوكس..
وبيتحدوا الناس كلها

نشوف اتنين منهم سوا :


Linux is growing:




The kid:



في الآخر أحب أقول إني معجب جدا بإعلانات Redhat و IBM
بس مش عارف ليه حاسس إن في حاجز نفسي بيني وبين Novell

يمكن علشان مش بيحاولوا يبدعوا..

يمكن علشان أصلا تصرفاتهم مشبوهة بالنسبة لي وبالنسبة لكل لينكساوي صميم

أسيبكم مع الإعلانات
ومستنيكم في التعليقات

the one to free, is you and me

منذ فترة أخذت قرارا مع نفسي


قررت ألا أسمح لنفسي أن أستخدم برنامجا لا تسوغ لي حقوق الملكية الفكرية استخدامه.. (م الآخر برامج بالكراك)..

قررت كده لأن هذا "لا يقره عقل ولا شرع ولا قانون" كما عبر أحد أساتذتي في أحد حواراتي معه

وإن كنت أنا أرفض احتكار بعض الشركات لعقلي وحاسوبي، فأنا في نفس ذات الوقت أرفض أن أتعدى على حقوق غيري أو أن أتخلق بغير أخلاق الفرسان..
طالما أستطيع..
فواجب عليّ أن أحارب الاحتكار بالحرية.. الشريفة!

وكان القرار صعب حبتين تلاتة، لأنه معناه أنه يبدأ من نظام التشغيل اللي أنا شغال بيه في البيت لغاية معظم البرامج اللي بأستخدمها في شغلي، وبنستخدمها كلنا في حياتنا اليومية

كان صعب كمان لأنه خللاني أبتدي أدور على بدائل، وده أخد مني جهد فظيع
بس بمجرد ما بدأت لقيت السكك بتتفتح في وشي ولقيت أكتر من حد بيساعدني من مجتمع المصادر المفتوحة (open source community)

جربت في رحلتي هذه العديد من توزيعات لينوكس والكثير من البرامج، فاللي عاوز حاجة يقول لي وهأحاول أساعده إن شاء الله، سواء كان على ويندوز أو لينوكس


ده موقع لذيذ للي عاوز بدائل للبرامج المضروبة على جهازه (موجود عليه بدائل لكل أنظمة التشغيل الأساسية)

http://www.osalt.com



أنا الآن فخور أني لا أستخدم على حاسوبي برامج مغلقة المصدر إلا برنامجا واحدا .. flash player، وهو برنامج مجاني .. أي أنني لا أعتدي على أي حقوق ملكية فكرية لأي طرف أيا كان
ولتحيا أخلاق الفرسان!
ولتحيا حريتي ..
وحريتكم


تحديث بسيط مهم (28 سبتمبر 2007) :
في software نسيت أقوله
الـbios بتاع الكمبيوتر مغلق المصدر

وبالتالي أبقى بأستخدم two proprietary software pieces

حنظلة و الجيك

زي ماتكلمت المره اللي فاتت عن الجييك Geek المره دي حتكلم عن احدهم و هو جييك فلسطيني فنان و رسام كاراكتير اسمه ناجي العلي و المناسبه انه مر على اغتياله 20 سنه.

و تعريف بسيط بناجي العلي انه رسام كاريكاتير فلسطيني مشهور ، تميز بالنقد اللاذع في رسومه، ويعتبر من اهم الفنانين الفلسطينيين. رسم ما يقدر بأكثر من 40 ألف رسم، إغتيل على يد مجهول عام 1987 في لندن.

ولد ناجي العلي حوالي عام 1937 في فلسطين و هاجر مع اهله في 48 الى جنوب لبنان و فالجنوب و في سنين الصبا اعتقلته القوات الاسرائلية و قضى اغلب و قته يرسم على جدران السجون !

ظهرت صفة الجييك (وعشان كده باسميه جييك) عام 1969 لما ابتدع شخصية حنظلة الذي أدار ظهره في سنوات ما بعد 1973 وعقد يداه خلف ظهره، واصبح حنظلة بمثابة توقيع ناجي العلي على رسوماته. و قد لقي هذا الرسم و هذا الفنان حب الجماهير العربية كلها و خاصة الفلسطينية و خاصةً أن حنظلة هو شبه للفلسطيني المعذب و القوي رغم كل الصعاب التي توجهه فهو دائر ظهره 'للعدو'.

حنظلة

ولد حنظلة في العاشرة في عمره في سنة 1967 (عام النكسة) وسيظل دائما في العاشرة من عمره ، ففي تلك السن غادر فلسطين وحين يعود حنظلة إلى فلطسين سيكبر ويتجاوز العاشرة ثم يبدأ في الكبر ، فقوانين الطبيعة لا تنطبق عليه لأنه استثناء ، كما هو فقدان الوطن استثناء.اما عندما يرجع حنظله الى فلسطين فانه سوف يكبر و يتجاوز سن العاشرة. واما عن سبب تكتيف يديه فيقول ناجي العلي : كتفته بعد حرب أكتوبر 1973 لأن المنطقة كانت تشهد عملية تطويع وتطبيع شاملة ، وهنا كان تكتيف الطفل دلالة على رفضه المشاركة في حلول التسوية الأمريكية في المنطقة ، فهو ثائر وليس مطبع.
وعندما سئل ناجي العلي عن موعد رؤية وجه حنظلة أجاب : عندما تصبح الكرامة العربية غير مهددة ،وعندما يسترد الانسان العربي شعوره بحريته وانسانيته.
انا شخصيا مش متفق مع الكلام و النزعه القوميه اللي كان ناجي العلي بيتكلم بيها ( رأي شخصي) ولكن انا باحترمه انه عبر عن حالته اللي عايشها بفنه مثل أي جييك اخر يكون صاحب تجربة أو حالة فردية بتحركه في حياته وبتكون مبادئه ومصدر متعته ومحور تفكيره وقراراته* الي اخيرا كونت اختراعه المتمثل بالطفل حنظله.

* تعريف مصعب للجييك.

حنظلة

حنظلة على جدار الفصل في الضفة الغربيه

المصادر:-
Wikipedia
الوكيبيدبا العربية
موقع الفنان ناجي العلي
BBC

في بيتنا جييك

ااااااااااااااه الواحد ميقدرش يبدأ تدوينه الا بي اااه طلعه من صمييم الصمامات المتصممه الي بتصمم صممات القلب عدى حوالي شهر من اخر تدوينه كتبتها في المشروع بتاعي انا و الاخ مصعب - طيب الله كوده و خلاه من البجس Bugs- و كان ده بسبب شغل اشغال اشتغلات الدنيا فبالنسبالي كان و مازال عدد مهول من الوظايف اللي مفروض اشتغل فيها كلها مرة و احده و بالنسبة للاخ مصعب فحالته انسان مضغوط لحد ما إطبق. بس عموما – خاصة بالنسبالي – مش شايف ان في الواحد ليه عذر و اضح ان أي مشكله ليها حل بس الواحد احيانا بيعقد الدنيا و يقول ان التدوينه الجايه حتكلم فيها عن كذا و كذا و يفضل يقول انا هحط فيها ايه و اسوي فيها ايه ... في الاخر مبتطلعش التدوينه و ممكن توصل لحد ما الواحد يتوقف عن التدوين او يزهق ( ده رأيي الشخصي ) و لكن الجييك الصح هوه الي لما فكره تطلع في دماغه يفكر فيها كويس لمده مناسبه و بعد كده يبدأ يشتغل فيها مش يقعد (يتكلم و يرغي ) عنها ، اعتقد ان دي مشكلة العرب كلام كتيييير و فعل قلييييل ( رأيي الشخصي ).

التدوينه اللي كنت عايز اعملها من شهر بتتكلم عن الجييك Geek .

أي و احد بيتابع المنتديات و مقضيها نت لازم يصتدم بكلمة Geek و يقعد يدور في القاموس و ولو هوه بيستخدم قاموس انجليزي قديم مش هيلاقلها معنى مناسب و مش هيفهمه و لكن اتمنى ان التدوينه دي ممكن توضح اكتر معنى الجييك Geek.

اولا الجييك Geek كلمه تعريفها الدقيق عليه اختلاف و لكن خلينا ناخد تعريف من الوكيبيدا اللي بيقول ان الجييك Geek " هو الشخص اللي بيحركه الحب للشئ اللي بيعمله بمعنى ان حياته اللي بتحركها هوياته و الاشياء اللي بيحب يعملها بغض النظر عن القبول الاجتماعي او العوائد المادية"

و التعريف بالعنجليزي هو :-

"one who is primarily motivated by passion," indicating somebody whose reasoning and decision making is always first and foremost based on his personal passions rather than things like financial reward or social acceptance"

كتير من الناس مالوا انهم يخلوا مصطلح الجيك Geek انه خاص بالناس المهوسه بمجالات الكمبيوتر من برمجه او ويب ديفلوبنج Web developing او هارد ويير Hardware .... الخ . الشباب اللي ممكن يقعدوا بالايام ادام الكمبيوتر عشان يطلعونا حاجه عبقرية و مفتكسه زي اخونا مصعب *. و لكن انا و كتير غيري بيشاركوني الرأي ( اقصد انا بشاركهم الرأي ) بنؤمن ان الجييك Geek مش محدود بالكمبوتر و مجالاته فقط . زي التعريف البسيط الي موجود فوق ده ان كل واحد ليه هدف في الحياه بيسعى و راه بحب و بشغف و بابداع و باخلاص و مؤمن بفيدة اللي بيعمله ما هو الا جييك .

بعض الناس ممكن تقول مش هتختلف المسمياتو مش هنقد نتكلم عن المسمى و نسيب المعنى.ده مش صح عشان كلمة جييك Geek هي كلمة مبهره لان ليها معنى الواحد بيحسه اكتر ما ممكن يفسره زي المعاني اللي كان الصوفي الكبير محي الدين ابن عربي بيقولها لما كان بيحس بوجده الصوفي بمعاني روحيه و لما يجي يعبر عنها كان بيتجاوز عقول العامه لحد ماوصلت ان بعضهم كفره. الجييك هو راجل او راجله ( سوري او واحده !) كل طاقته موجه لفكره مقتنع بيه و مؤمن بيه (ده مركز الفكره اللي ممكن تدور حواليه افكار و انشطه كتيره).

على سبيل المثال ابن سينا اللي عاش 57 سنه اتعلم فيها من القران الى الطب و الفلسفه والف 450 كتاب. وعلى حسب مقولة ابن سينا نفسه انه و هو عنده 16 سنه ابتكر طرق جديده للعلاج و كان لما بضيق عليه الامور و ميقدرش يفهما يسيب كتبه و يروح المسجد يصلي لحد ما ربنا يهديه لحلها . اذن الجييك انسان لايتوقف عن التعلم

بتهوفن مثال اخر على الجييك الفنان لما ( و ده ناس كتيرمتعرفهوش ) بدأ يفقد قدرة على السماع في العشرينات من عمره ولكن كان بيعزف اروع مقطوعات ابهرت العالم الى الان. السؤال هنا الزاي كان بيتذوق موسيقته لما كان فاقد السمع الزاي كان بيقدريتذوق موسيقاه ؟ جوابي اللي قدرت اوصله انه اكيد كان بيتخيلها و بيسمعاه في عقله كان بيتهوفن بيعزف بقلبه وبمشاعره و كانت الموسيقى نابعه من تخيله الشخصي زي الفنان اللي بيمسك ريشه و بيرسم مكان عمره مراحه. الشيء الاخر ان بيتهوفن -الجييك- رفض انه يعمل عند النبلاء او يعمل لدى الكنيسه ليتكسب عيشه زي ما كتيير من فنانين زمانه كانوا بيعملوا. عمل كده عشان يحافظ على حريته و استقلالية فنه. وهنا يبان لينا معنى الجييك انه انسان مبدع و انسان حربيحافظ على عقليته و حرية فكره.


جيمي و يلز Jimmy Wales و لاري سانجرLary Sanger منشؤا للويكيبيديا Wikipedia عام 2001 .اللي غيروا شكل المعرفة على الانترنت بفكرة لاري سانجرلانشاء موسوعه عن طريق الويكي Wiki اي صفحات على الانترنت ممكن اي حد ليه امكانية الدخول على الشبكة ان ينشئها او يضيف عليها او يعدلها . الفكره في بدايتها غريبه ! و ممكن اي حد كان يسخر منها ؟ الزاي انته تقدر تعمل موسوعه عن طريق معلومات من الناس حول العالم كله ؟ ده مع امكانية ان ناس تضيف معلومات خطاء او تحذف معلومات صح. ولكن اتضح في النهاية ان ال Wiki Dynamics بتدي فرصه للمحتوى انه يتصحح حتى لو تم حذفه او تغييره الى الخطاء ده بسبب بسيط ان الوكيبيدا بتخلق مجتمع Community من هواتها اللي بيعدلوا و كمان بيجددوا محتوى مع تجدد الاحداث بسرعه.

هي دي الفكره اللي بتيجي في دماغ الجييك GEEK و تكون زي شرارة البدئ لتغيير كبير في العالم. فكره لاري سانجر اللي دعمها جيمي ويلز و بدأ يشتغل فيها بانه قدر يجيب التمويل (كان دراسته الجامعية و الماجستير عن التمويل) و يحط السوفت ويير بتاع الويكي wiki software على السيرفر لحد ما اكتمل المشروع في 15 يناير 2001 و طلع مشروع الموسوعه الحره المجانيه و من ساعتها الاف من البشربيكتبوا الوكيبيدا لحد ما عدد المقالات و صل فيها الى 7 مليون مقاله و نصف ب 253 لغه !! بيوضح ده مقولة جيمي و يلز الشهيره عن الوكيبيدا

"Imagine a world in which every single person on the planet is given free access to the sum of all human knowledge. That's what we're doing.”

"تخيل عالما حيث كل شخص به لديه امكانية الدخول على مجموع المعرفه الانسانية. هذا ما نحن نفعله"


الامثله كتيره للجييكس GEEKS حولينا من علماء و مبتكرين و فنانيين و كتاب و شعراء و فلاسفه و مبرمجيين و اداريين.....الخ. غيروا شكل العالم او على الاقل غيروا شكل عالمهم الاصغر او بيئتهم المحيطه او انفسهم. على الاقل عاشوا حريةالتفكير و عاشوا تجربتهم الشخصية. كتير مننا محروم من تجربته الشخصيه. لاسباب كتيره منها ما هو واقع و منها ما هو من العراقيل التي يضعها الانسان امام نفسه. مش لازم نكون اشخاص مشهورين لكن لازم نعيش حريتنا لازم نكون جييكس GEEKS بالمعنى الروحي للكلمة.


انا معتقدش ان قدرة اغطي معنى كلمة الجييك GEEK من كافة الجوانب بس ده جزء و عليكوا الجزء الاخر في التعليقات انكم تذكروا المعنى اللي ممكن يكون في ذهنكم.

· روي ان مصعب – حفظ الله كوده – شوهد في اخر يوم من ايام العمل وهو قاعد بيشتغل على الاب توب بتاعه على مكتبه وده كان حوالي الساعه 6 مساء و في اليوم التالي لما الناس بدات تيجي الشغل حوالي الساعد 9 صباحا شافت مصعب و هو قاعد نفس القاعده بتاعت امبارح على نفس الاب توب و نفس المكتب !!! اصله كان بيسلم الاصدار الجديد من موقع عشرينات.


حفظ الله جيكنا و كل الجييكس

الكابل مقطوووع

يا جماعة كلنا ندعي لأحمد لأن كابل الـDSL عنده مقطوع
لازم كلنا نقف جنبه في أزمته وندعيله
وكمان كده المدونة بتفتقدك أوي يا أحمد

ألف سلامة يا باشا

ولا يهزك...
هترجع تاني أقوى من الأول :)

مستنيينك

one two free!

عندما بايعت النساء سيدنا محمد صلى الله عليه وسلم قال لهن ما معناه "تبايعنني على ألا تزنين؟"
قالت هند بنت عتبة التي كانت هذه أولى لحظاتها في الإسلام بعد أن أمضت ما مضى في الجاهلية : “أوتزني الحرة يا رسول الله؟"

***

الحر من رعى وداد لحظة

***

خلقت طليقا كطيف النسيم .. وحرا كنور الضحى في سماه
تغرد كالطير أنى اندفعت .. وتشدو بما شاء وحي الإله

أبو القاسم الشابي

***

“Everything that is really great and inspiring is created by the individual who can labor in freedom.”

"كل ما هو جميل وملهم وراءه شخص قادر أن يعمل بحرية"

ألبرت أينشتاين

***

“In the truest sense, freedom cannot be bestowed; it must be achieved.”

"في أصدق حالاتها، الحرية لا تستجدى، وإنما تؤخذ"

فرانكلين روزفلت

***

“Freedom means the freedom to say two plus two equals four. If that is granted all else follows.”

“الحرية تعني حرية أن تقول أن اثنين زائد اثنين تساوي أربعة! إذا ضمنت هذا ضمنت كل ما بعده"

جورج أورويل

***

“Freedom is not the power to do what one wants. Freedom is the power to do what is right.”

“الحرية ليست قوة أن تفعل ما تريد.. الحرية هي قوة أن تفعل الصواب"

جون بول

***

“Man is free at the moment he wishes to be”

“يكون المرء حرا حين يريد"

فولتير

***

“Freedom is something that dies unless it is used.”

“الحرية تموت حين لا تُمَارس"

هنتر طومسون

***

“Those who desire to give up freedom in order to gain security, will not have, nor do they deserve, either one.”

“الذين يضحون بحريتهم من أجل الأمان لن ينالوا أيا منهم.. ولا يستحقون أيا منهم"

بينجامين فرانكلين

----

كل هذه المقولات وغيرها بالإضافة للعديد من المواقف التي تعلمت منها هي ما دفعتني أنا وصديقي أحمد لنتحرر من حالة الكسل التي أصابتنا، ونتمرد على واقع مرير وننشئ هذه المدونة

هنا نناقش ما نفهم منها، وكيف يحافظ كلانا عليها (أحمد وأنا)
أو على الأقل نحاول..

فكلانا يحبها..
وكلانا يتمناها بشدة
ولو دفعنا حياتنا ثمنا

عن الحرية نتحدث

انتظرونا


----
أحمد باشا حبيبي
عم الـcerebrosus world :)
عاوزين نروق الناس
عاوزين جامهور كاتير جوي

أنا فرحان إننا بنعمل حاجة سوا
أشوفك بكرة على خير يا حبيبي